Acapulco | |
---|---|
Siudad ken munisipalidad | |
Acapulco de Juárez | |
Nagsasabtan: 16°51′49″N 99°52′57″W / 16.86361°N 99.88250°WNagsasabtan: 16°51′49″N 99°52′57″W / 16.86361°N 99.88250°W | |
Pagilian | Mehiko |
Estado | Guerrero |
Napundar | 1520s |
Gobierno | |
• Munisipal a presidente | Luis Walton (2012–15) |
Kalawa | |
• Munisipalidad | 1,880.60 km2 (726.10 sq mi) |
• Urbano | 85 km2 (33 sq mi) |
• Metro | 3,538.5 km2 (1,366.2 sq mi) |
Kangato (iti tugaw) | 30 m (100 ft) |
Populasion (2012) | |
• Munisipalidad | 687,608 |
• Densidad | 370/km2 (950/sq mi) |
• Metro | 1,021,000 |
Nagan dagiti umili | Acapulqueño (a) Porteño (a) |
Sona ti oras | UTC−6 (CST) |
• Kalgaw (DST) | UTC−5 (CDT) |
Kodigo ti koreo | 39300-39937 |
Kodigo ti lugar | 744 |
Website | Opisial a website (iti Espaniol) |
Ti Acapulco de Juárez (Espaniol: [akaˈpulko de ˈxwaɾes]), kadawyan a makunkuna nga Acapulco, ket ti siudad, munisipalidad ken nangruna a puerto ti baybay iti estado ti Guerrero idiay aplaya ti Pasipiko ti Mehiko, iti 380 kilometro (240 mi) iti abagatan ti Siudad ti Mehiko. Ti Acapulco ket mabirukan iti nauneg, ti kasla nagtimbukel a luek ken puerto daytoyen manipud idi nasapa a kolonial a panawen ti pakasaritaan ti Mehiko.[1] Daytoy ket puerto a papanan dagiti bapor ken dagiti panglinglingayan a bapor a mapmapan iti baetan ti Panama ken San Francisco, California, Estados Unidos.[2] Ti siudad ti Acapulco ket ti kadakkelan iti estado, dakdakkel ngem ti kapitolio ti estado ti Chilpancingo. Ti Acapulco ket isu pay ti kadakkelan nga aplaya ti Mehiko ken balneario a paglinglingayan a siudad.[3]
Ti siudad ket kaaduan nga ammo a kas ti kaduogan ken kaaduan nga ammo a paglinglingayan nga aplaya ti Mehiko, a nagbalin a prominente kadagiti tawen ti 1950 a kas ruangan para kadagiti artista ti Hollywood ken dagiti milonario.[4][5][6][7] Ti Acapulco ket nadayeg pay laeng ken mangawis pay laeng kadagiti adu a turista, nge kaaduan metten ket manipud iti Mehiko.[8][9] Ti lugar ti paglinglingayan ket nabingbingay iti dua: Ti bangir ti amianan tiluek ket ti "tradisional" a lugar, nga ayan a pagbakasionan dagiti nadayeg iti tengnga ti maika-20 a siglo; ken ti bangir ti abagatan ket kaaduan dagiti baro a naramen a natayag nga otel.[10]
Ti nagan nga "Acapulco" ket nagtaud manipud iti pagsasao a Nahuatl ti Aca-pōl-co, ketn ti kayatna a sawen ket "ti nakdadaelan dagiti rono wenno nakaiyanudanda".[11] Ti "de Juárez" ket nainayon idi iti opisial anagan idi 1885 a kas pammadayaw kenni Benito Juárez, ti dati a Presidente ti Mehiko (1806–1872). Ti selio ti siudad ket mangipakpakita kadagiti natukkol a rono wenno unas.[1] Ti isla ken munisipalidad ti Capul, iti Filipinas, ket nakaala ti naganna iti Acapulco; ti Capul ket isu idi ti akinlaud a patingga ti trans-Pasipiko a dalan ti panaglayag manipud iti Acapulco nga isu idi ket kolonia ti Espania.