Karlos ti Natan-ok | |
---|---|
Emerador ti Imperio a Karolingio | |
Panagturay | Disiembre 25, 800 – Enero 28, 814 |
Koronasion | Disiembre 25, 800 Basilika ni San Pedro, Roma |
Sinaruno | Nabangon ti Puesto |
Simmaruno | Luis I |
Ari dagiti Lombardo | |
Panagturay | Hulio 10, 774 – Enero 28, 814 |
Koronasion | Hulio 10, 774 Pavia |
Sinaruno | Desiderio |
Simmaruno | Luis I |
Ari dagiti Pranko | |
Panagturay | Oktubre 9, 768 – Enero 28, 814 |
Koronasion | Oktubre 9, 768 Noyon |
Sinaruno | Pepin ti Pandek |
Simmaruno | Luis I |
Nayanak | Abril 2, 742 Liège, Pranko a Pagarian |
Natay | Enero 28, 814 Aachen, Imperio a Karolingio | (tawen 71)
Pannakaipunpon | Katedral ti Aachen |
Asawa |
|
Sayasay Daduma pay | |
Kamara | Karolingio |
Ama | Pepin ti Pandek |
Ina | Bertrada ti Laon |
Relihion | Romao Katolisismo |
Ni Karlomagno (c. 742 – Enero 28, 814), ammo pay a kas ni Karlos ti Natan-ok (Latin: Carolus Magnus wenno Karolus Magnus) wenno Karlos I, ket isu idi ti nangbangon ti Imperio a Karolingio, a nagturay manipud idi 768 aginggana idi pimmusay. Isu ti nangpadakkel ti Pranko a Pagarian, a naginaynayon ti Italia, a nagparukma kadagiti Sahon ken dagiti Babaro, ken nangiduron ti prontiero idiay Espania. Isu ti kinauna nga anak a lalaki ni Pepin ti Pandek ken Bertrada ti Laon, ni Karlomagno ket isu idi ti immuna nga "Emperador" idiay Akinlaud nga Europa manipud iti pannakarebba ti Imperio a Romano idi sakbay ti uppat a siglo.
Isu ket nagbalin nga Ari dagiti Pranko idi 768 kalpasan ti ipupusay ti amana, ni Karlomagno ket immun-una a kimmaddua a nagturay iti kabsatna a lalaki a ni Karloman I. Ti kellaat nga ipupusay ni Karloman I idi 771 babaen ti saan a naipalpalawagan a pasamak ket nangibati kenni Karlomagno ti awan suppiatna nga agturay ti Pranko a Pagarian. Babaen ti panagparparukmana ti milisia, pinadakkelna ti pagarian iti maysa nga imperio a nangitipon kadagiti kaaduan iti Akinlaud ken Tengnga nga Europa.
Ni Karlomagno ket nagtultuloy kadagiti annuroten ti amana para iti kinapapa ken isu ti nagbalin a nagsalsalaknib daytoy, nga isu ket nagikikkat iti kabilegan dagiti Lombardo idiay Italia, ken nagidaulo ti panagraut iti Muslim nga Espania. Isu ket simmuppiat a nagkampania pay kadagiti tattao ti dayat, a nagpilit a Nangikristiano kaniada (a naipangpangruna dagiti Sahon), a dimtengan daytoy ti panagituray kaniada kalpasan ti napaut a gubat. Ni Karlomagno ket nakaabot ti kabileganna idi 800 nga isu idi ket nabalangatan a kas ti "Emperador" babaen ni Papa Leon III idi Aldaw ti Paskua.
Isu ket tinawtawagan a ti "Ama ti Europa" (pater Europae),[1] ti imperio ni Karlomagno ket immuna a nangikaykaysa ti kaaduan ti Akinlaud nga Europa manipud idi panawen ti Imperio a Romano. Ti turayna ket nagparang-ay iti Karolingio a Renasimiento, ti panagungar manen dagiti arte, relihion, ken kultura babaen ti panagusar ti Katoliko a Simbaan. Babaen dagiti gangganaet a panagrukmana ken dagiti akin-uneg a repormana, ni Karlomagno ket nangawawis ti pannakaporma ti sapasap a kinasiasino ti Europa.[2][3] Dagiti Pranses ken Aleman a monarkia ket naipanunotanda dagiti bukodda a monarkia a kas dagiti kaputotan ti imperio ni Karlomagno.
Ni Karlomagno ket pimmusay idi 814 kalpasan a nagturay a kas Emperador ti ganagani a limapulo a tawtawen. Isu ket naipunpon idiay imperio a kapitoliona nga Aachen. Ti anakna a lalaki a ni Luis ti Relihioso ket simmaruno kanian a kas ti Emperador.