Kinshasa
Ville de Kinshasa | |
---|---|
Ville-probinsia (siudad-probinsia) | |
Parbo a nagan: | |
Nagsasabtan: 4°19′30″S 15°19′20″E / 4.32500°S 15.32222°ENagsasabtan: 4°19′30″S 15°19′20″E / 4.32500°S 15.32222°E | |
Pagilian | Demokratiko a Republika ti Kongo |
Probinsia | Kinshasa |
Administratibo a Kuartel | La Gombe |
Dagiti komuna | |
Gobierno | |
• Gobernador | André Kimbuta |
Kalawa | |
• Siudad-probinsia | 9,965 km2 (3,848 sq mi) |
• Urbano | 583 km2 (225 sq mi) |
Kangato | 240 m (790 ft) |
Populasion (2012)[2] | |
• Siudad-probinsia | 9,046,000 |
• Densidad | 910/km2 (2,400/sq mi) |
• Urbano | 9,046,000 |
• Densidad (urbano) | 16,000/km2 (40,000/sq mi) |
• Pagsasao | Pranses |
Website | www.kinshasa.cd |
Ti Kinshasa (dati idi a Pranses Léopoldville, ken Olandes Leopoldstad (tulong·pakaammo)) ket isu ti kapitolio ken kadakkelan a siudad ti Demokratiko a Republika ti Kongo. Ti siudad ket mabirukan idiay Karayan Kongo.
Daytoy ket dati a lugar ti pagkalapan a purok, ti Kinshasa ket maysa tattan nga urbano a lugar nga adda ti populasion iti 9 a riwriw nga agtataeng.[2] Daytoy ket sangsanguenna ti kapitolio ti kaarrubana a Republika ti Kongo, Brazzaville, a daytoy ket mabalin amakita iti adayo a ballasiw ti nalawa a Karayan Kongo. Ti siudad ti Kinshasa ket maysa pay kadagiti 11 a probinsia ti DRK. Gaputa dagiti administratibo a pagbeddengan ti siudad-probinsia ket sumakop ti nawatiwat a lugar, agarup a 90% ti daga ti siudad-probinsia ket away, ken ti urbano a lugar ket sumakop laeng ti bassit a paset idiay adayo a lumaud a gibus ti siudad-probinsia.[1]
Ti Kinshasa ket isu ti maikadua a kadakkelan a siudad idiay sub-Sahara nga Aprika ken ti maikatlo a kadakkelan iti sibubukel a kontinente kalpasan ti Lagos ken Cairo.[2] Daytoy pay ket ti maikadua a kadakkelan a prankopona nga urbano a lugar iti lubong kalapsan ti Paris, ti Pranses ket isu ti pagsasao ti gobierno, dagiti eskuela, dagiti warnakan, dagiti publiko a serbisio ken nasayaat a komersio iti siudad, bayat a ti Lingala ket inus-usar a kas ti lingua franca kadagiti kalkalsada.[3] No ti agdama turong ket agtultuloy, ti Kinshasa ket mabalin a labsanna ti Paris iti populasion intono 2020.[4] Ti Kinshasa ket mangisailinto ti maika-14 a Francophonie a Konperensia intono Oktubre 2012.[5]
Dagiti agtataeng ti Kinshasa ket ammo a kas dagiti Kinois (iti Pranses ken sagpaminsan iti Ingles) wenno Kinshasans (Ingles).