| Politika ti Filipinas |
|---|
 |
Ti Lehislatibo a Distrito titi Batanes ket isu ti pannakabagi ti probinsia ti Batanes iti Kamara dagiti Pannakabagi ti Filipinas.
Ti Batanes ket immuna idi a nairepresenta a kas paset ti umuna a distrito ti Cagayan iti Umuna a Lehislatura ti Filipinas, kalpasan ti pannakabangonna a kas sub probinsia ti Cagayan babaen ti Tignay Blng. 1693 a naaramid idi Agosto 20, 1907. Kalpasan ti pannakabangonna manen a kas kadawyan a probinsia idi Mayo 20, 1909 babaen ti Tignay Blng. 1952, ti Batanes ket naidatonan idi ti bukodna a pannakabagi, ken nagbutos ti immuna a bukodna a pannakabagi idi 1909. Ti probinsia ket saan idi a bukod a nairepresenta iti Nailian nga Asemblia ti naesponsoran ti Hapon a Maikadua a Republika ti Filipinas.
Ti probinsia ket nairepresenta idi iti Interim Batasang Pambansa a kas paset ti Rehion II manipud idi 1978 aginggana idi 1984, ken nagbutos ti maysa a pannakabagi iti Kadawyan a Batasang Pambansa iti 1984. Ti Batanes ket nagataginayon ti maymaysa a bukodna a kongresional a distrito babaen ti baro a Batay-linteg a nangrugi idi Pebrero 7, 1987, ken nagbutos ti kamengna iti naipasubli a Kamara dagiti Pannakabagi isu met laeng a tawen.