Daytoy ket ti maysa a saan a kompleto a listaan dagiti botaniko babaen ti pangyababaan ti mannurat, a naidisenio para iti panagdakamat kadagiti nagan a botaniko wenno dagiti inpablaakda nga obra. Suroten daytoy a listaan ti impatakder babaen da Brummitt & Powell (1992).[1] Ti panagusar iti dayta a listaan ket isingasing babaen ti Rec. 46A Note 1[2] iti International Code of Nomenclature for algae, fungi, and plants. Mapabaro ti listaan iti online iti The International Plant Names Index[3] ken ti Index Fungorum.[4]
Laglagipen a dagiti sumagmamano a kaso a ti maysa a pangyababan ti mannurat" ket buklen iti napno nga apilyedo, bayat a dagiti sabali a kaso ti apilyedo ket naipangyababa ken/wenno kuyogan babaen ti maysa wenno ad-adu nga inisial. Awan ti espasio a pagbaetan dagiti inisial ken ti apilyedo wenno ti pangyababaanna.
Ti listaan ditoy ket nainget a mapataripato iti urnos dagiti alpabetiko a karakter iti pangyababaan; isu a ti "A.B.Jacks." ket agparang iti baba ti "A" saan a ti "J", ken mabirukan a kasla dagiti karakter ket "ABJACKS". Saan a maikaskaso ti kapitalisasion kas met dagiti amin a saan nga alpabetiko a karakter a kas ti "." ken espasio. Saan pay a maikaskaso dagiti marka a diakritiko, isu a, kas ti, "ü" ket matrato a kas "u".
Gapu ti kaatiddogna, naisinsina ti listaan kadagiti nadumaduma a panid. Mabalin a maserrekan amin nga alpabetiko a seksion manipud iti ababa a tabla dagiti linaon; dagiti bertikal a baras ket mangipakita iti pannakabingbingay ti panid. Ti panagbiruk ket makabiruk laeng iti maysa a naikabil iti kaunegan ti panid.