Pagsasao a Khmer

Khmer
Khmer
Cambodiano
ភាសាខ្មែរ
Pannakabalikas	IPA: [pʰiːəsaː kʰmaːe]
Patubo iti	Cambodia, Bietnam, Tailandia, Estados Unidos, Pransia, Australia
Etnisidad	Khmer
Patubo a mangisasao	15.0 a riwriw (2006); 1 a riwriw a L2 a mangisasao
Pamilia	Austroasiatiko Khmer;
Dagiti dialekto	Battambang; Phnom Penh; Akin-amianan a Khmer (Khmer Surin); Khmer Krom (Akin-abagatan a Khmer); Cardamom Khmer;
Panagsurat	Khmer a sinuratan (abugida)
Opisial a kasasaad
Opisial a mangisasao	Cambodia
Kodkodigo ti pagsasao
ISO 639-1	km
ISO 639-2	khm
ISO 639-3	Uray ania:; khm – Tengnga a Khmer; kxm – Akin-amianan a Khmer

Aglaon daytoy nga artikulo kadagiti teksto a Khmer. No awan ti maitutop a suporta ti panangiparang, mabalin a makitam dagiti maraka-ti-salusod, dagiti kahon, wenno dadduma pay a simbolo imbes a ti Khmer a sinuratan.

Ti Khmer (ភាសាខ្មែរ, IPA: [pʰiːəsaː kʰmaːe]; wenno pormal laeng a, ខេមរភាសា, IPA: [kʰeɛmaʔraʔ pʰiːəsaː]), wenno Cambodiano, ket isu ti pagsasao dagiti Tattao a Khmer ken ti opisial a pagsasao ti Cambodia. Daytoy ti maikadua a kaaduan a maisasao nga Austroasiatiko a pagsasao (kalpasan ti Bietnamis), nga adda dagiti mangisasao kadagiti sangapulo a riwriw. Ti Khmer ket naipanunotan idin a naiimpluensian unay babaen ti Sanskrito ken Pali, a naipangpangruna kadagiti naarian ken relihioso a rehistro, babaen ti Hinduismo ken Budismo. Isu pay daytoy ti kasapaan a nairehistro ken kasapaan a naisurat a pagsasao ti pamilia a Mon–Khmer, a napetsaan sakbay ti Mon ken babaen ti adu a paggiddiatan ti Bietnamis.^[2] Ti pagsasao a Khmer ket nakaimpluensia, ken naimpluensian babaen ti, Tailandes, Lao, Bietnamis ken Cham, nga amin dagitoy ket, gapu ti heograpiko a kainnasideg ken kapaut a kainnasideg ti kultura, ket agporma ti maysa a sprachbund idiay peninsula ti Abagatan a daya nga Asia.^[3]

Ti Khmer ket nangruna a maysa a panangisalsalumina a pagsasao. Awan dagiti inpleksion, konhiohesion wenno panagipatingga a kaso. Imbes ket, dagiti partikula ken dagiti tumultulong a balikas ket naus-usar a mangipakita kadagiti gramatika a pannakaikabagian. Ti sapasap nga urnos ti balikas ket suheto–berbo–banag. Kaaduan kadagiti balikas ket maitutop ti kadawyan tabas ti a Mon-Khmer, nga adda ti maysa a "nangruna" a silaba a sinarunuan babaen ti maysa a menor a silaba.

Ti pagsasao a Khmer ket naisurat nga adda ti maysa nga abugida nga ammo iti Khmer a kas អក្សរខ្មែរ (IPA: [aʔksɑː kʰmaːe]). Ti Khmer ket maigiddiat kadagiti kaarruba a pagsasao a kas ti Tailandes, Lao ken Bietnamis gapu ta daytoy ket saan a maysa a maiyaweng a pagsasao.

^ Lewis, M. Paul (ed.), 2009. Ethnologue: Dagiti pagsasao ti lubong, Maikasangapulo ket innem nga edision. Dallas, Tex.: SIL International. Ti naikabil para iti Khmer
^ David A. Smyth, Judith Margaret Jacob (1993). Cambodiano a Lingguistika, Literatura ken Pakasaritaan: Dagiti Naurnong nga artikulo. Routledge (UK). ISBN 978-0728602182.
^ Enfield, N.J. (2005). Maipapan ti lugar a lingguistika ken Nangruna a daga ti Abagatan a daya nga Asia

[ethno-1] Lewis, M. Paul (ed.), 2009. Ethnologue: Dagiti pagsasao ti lubong, Maikasangapulo ket innem nga edision. Dallas, Tex.: SIL International. Ti naikabil para iti Khmer

[cl-2] David A. Smyth, Judith Margaret Jacob (1993). Cambodiano a Lingguistika, Literatura ken Pakasaritaan: Dagiti Naurnong nga artikulo. Routledge (UK). ISBN 978-0728602182.

[enfield-3] Enfield, N.J. (2005). Maipapan ti lugar a lingguistika ken Nangruna a daga ti Abagatan a daya nga Asia

[1]

[2]

[3]

Pagsasao a Khmer

From Wikipedia, the free encyclopedia · View on Wikipedia