Pagsasao a Limburges

Limburges
Lèmbörgs
Pannakabalikas	[ˈlembœrxs]
Patubo iti	Olanda (Limburgo), Belhika (Limburgo ken Amianan a Daya a Liege), Alemania (Rhineland)
Patubo a mangisasao	1.3 a riwriw (2001)[1] (saan a maibilang ti Alemania)
Pamilia	Indo-Europeano Hermaniko Laud a Hermaniko Meuse-Rhenish Limburges
Panagsurat	Latin
Opisial a kasasaad
Opisial a mangisasao	Olanda (a kas rehional a pagsasao); awan ti opisial a kasasaad idiay Belhika wenno Alemania
Nagalagad	Veldeke Limburg, Raod veur 't Limburgs
Kodkodigo ti pagsasao
ISO 639-1	li
ISO 639-2	lim
ISO 639-3	lim
Linguaesperio	52-ACB-al
Puesto ti Limburges (kahel) kadagiti sabali a minoridad a pagsasao, rehional a pagsasao ken dialekto iti Benelux
Aglaon daytoy nga artikulo kadagiti simbolo ti ponetiko ti IPA. No awan ti maitunos a suporta ti panangipaay, mabalin a makitam dagiti marka-ti-saludsod, kahon, wenno sabali pay a simbolo imbes a dagiti karakter ti Unicode.

Ti Limburges, tinawtawagan pay ti Limburgiano wenno Limburhiko (Limburges: Lèmbörgs [ˈlem.bœrxs] Olandes: Limburgs [ˈlɪm.bʏrxs], Aleman: Limburgisch [ˈlɪm.buɐ.ɡɪʃ], Pranses: Limbourgeois [ˈlɛ̃.buʁ.ʒwa]) ket grupo dagiti Daya nga Ababa a Franconiano a karuay ti pagsasao a naisasao kadagiti rehion ti Limburgo ken Rhineland, kadagiti pagbeddengan ti Olanda–Belhika–Alemania. Ti lugar a nakaisasaoannaket agaraup a ti kalawa iti sirkulo manipud idiay Venlo aginggana idiay Düsseldorf aginggana idiay Aachen aginggana idiay Maastricht aginggana idiay Tienen ken agsubli idiay Venlo. Kadagiti dadduma a paset iti daytoy a lugar ket sapasap nga inususar a kas lokal a pagsasao ti inaldaw a panagsasao.

Daytoy ket makibinningay kadagiti adu a pakailasinan iti Aleman ken Olandes ken kankanayon a naikedkeddeng a kas karuay dagitoy a pagsasao (kitaen pay ti Dachsprache). Iti kaunegan dagiti moderno a komunidad dagiti probinsia ti Belhika ken Olanda ti Limburgo, dagiti naipakatengnaan nga idiolekto ket kadawyan pay dagitoy, a mangitipon ti alagaden nga Olandes iti ayug ken dagiti gagangay ti gramatika ken pannakabalikas a naala manipud ti Limburges. Daytoy a 'Olanda a Limburges' ket makaallilaw pay a kankanayon a maibagbaga a kas laeng ti "Limburges".