Nagsasabtan: 7°N 81°E / 7°N 81°E
Republika ti Demokratiko a Sosialista ti Sri Lanka | |
---|---|
Nailian a kanta: "Sri Lanka Matha" Ina a Sri Lanka | |
Kapitolio | Sri Jayawardenepura Kotte (Administratibo) Colombo (Komersial) 6°56′N 79°52′E / 6.933°N 79.867°E |
Kadakkelan a siudad | Colombo |
Opisial a sasao | |
Mabigbig a sasao | Ingles |
Grupgrupo ti etniko (2012[2]) | 74.9% Sinhales 11.2% Tamil 9.2% Moro 4.2% Indiano a Tamil 0.5% dadduma |
Relihion |
|
Nagan dagiti umili | Silani[3] |
Gobierno | Unitario a semi-presidensial a batay-linteg a republika |
Maithripala Sirisena | |
Ranil Wickremesinghe | |
Karu Jayasuriya | |
Priyasath Dep | |
Lehislatura | Parlamento |
Wayawaya manipud iti Nagkaykaysa a Pagarian | |
Kalawa | |
• Dagup | 65,610 km2 (25,330 sq mi) (Maika-120) |
• Danum (%) | 4.4 |
Populasion | |
• Karkulo idi 2017 | 21,444,000[4] (Maika-58) |
• Senso idi 2012 | 20,277,597[5] (Maika-57) |
• Densidad | 327/km2 (846.9/sq mi) (Maika-43) |
GDP (PPP) | Karkulo idi 2018 |
• Dagup | $298.310-bilion[6] |
• Tunggal maysa a tao | $13,847[7] |
GDP (nominal) | Karkulo idi 2018 |
• Dagup | $93.45-bilion[8] |
• Tunggal maysa a tao | $4,310[9] |
Gini (2016) | 39.8[10] kalalainganna |
HDI (2016) | 0.766[11] nangato · 73rd |
Kuarta | Rupia ti Sri Lanka (LKR) |
Sona ti oras | UTC+5:30 (SLST) |
Pormat ti petsa |
|
Pagmanehuan | kanigid |
Kodigo ti panagtawag | +94 |
Kodigo ti ISO 3166 | LK |
TLD ti internet | |
Website www |
Ti Sri Lanka (Sinhala: ශ්රී ලංකා Śrī Laṃkā; Tamil: இலங்கை Ilaṅkai), opisial a ti Republika ti Demokratiko a Sosialista ti Sri Lanka, ket ti maysa a pagilian nga isla iti Abagatan nga Asia, a mabirukan idiay Taaw Indiano iti abagatan a laud ti Luek ti Bengal ken iti abagatan a daya ti Baybay Arabiano. Daytoy ket maisina manipud iti subkontinente Indiano babaen ti Golpo ti Mannar ken ti Lingsat Palk. Ti lehislatibo a kapitolio, ti Sri Jayawardenepura Kotte, ket ti maysa a suburbo ti komersial a kapitolio ken kadakkelan a siudad, ti Colombo.
Ti nadokumentuan a pakasaritaan ti Sri Lanka ket gumay-at kadagiti 3,000 a tawen, nga addaan iti ebidensia dagiti pre-historiko a pagtaengan ti tao a napetsado iti saan a naladladaw ngem 125,000 a tawtawen.[12] Daytoy ket addaan iti nabaknang a tawid iti kultura ken ti umuna nga ammo a sursurat iti Budista ti Sri Lanka, ti Pāli Canon, ket napetsado iti Maikapat a konseho ti Budista idi 29 SK.[13][14] Ti heograpiko a lokasionna ken dagiti adalen a pangsangladan ket nakaaramid daytoy iti nalatak a kinapangrunma manipud iti panawen ti taga-ugma a Kalsada Seda aginggana iti moderno a Maritimo a Kalsada Seda.[15][16][17]
Ti Sri Lanka ket ammo idi manipud iti rugi ti kolonial a panagturay ti Britaniko kas Ceylon. Rimsua ti maysa a nasionalista a tignay ti politika iti pagilian idi nasapa a maika-20 a siglo tapno makala iti politikal a wayawaya, a naidaton idi 1948; ti pagilian ket nagbalin a republika ken inamponna ti agdama a naganna idi 1972. Ti kaudian a pakasaritaan ti Sri Lanka ket napilawan iti a 30 a tawtawen a gubat sibil, a nagpatingga idi inabak ti Siigam a Buyot ti Sri Lanka ti Dagiti Tigre ti Liberasion ti Tamil Eelam (LTTE) idi 2009.[18]
Ibaga ti agdama abatay-linteg a ti sistema ti politika ket maysa a republika ken maysa nga unitario nga estado a turayan babaen ti maysa a semi-presidensial a sistema. Daytoy ket addaan idi iti napaut a pakasaritaan iti sangalubongan a pannakitulag, kas mays a nagpundara kameng ti Gunglo ti Abagatan nga Asia para iti Rehional a Panagtitinnulong (SAARC), ken maysa a kameng ti Nagkaykaysa a Pagpagilian, ti Mankomunidad ti Pagpagilian, ti G77, ken ti Tignay ti Di Nailiania. Kakuyogna ti Maldibas, ti Sri Lanka ket maysa laeng kadagiti dua a pagilian ti Abagatan nga Asia naigatad iti "nangato" iti Pagsurotan ti Panagrang-ay ti Nagtagitaoan (HDI), a ti gatad ti HDI ken ti matgedan tunggal maysa a tao ket ti kangatuan kadagiti pagilian ti Abagatan nga Asia.[11] Ti batay-linteg ti Sri Lanka ket bigbigenna a ti Budismo ti "kangrunaan a lugar", uray no saanna met nga ibaga a kas maysa a relihion ti estado. Ti Budismo ket naikkan iti nangruna a pribilihio iti batay-linteg ti Sri Lanka.[19]
Ti isla ket ayan dagiti adu a kultura, pagsasao ket dagiti etnisidad. Ti kaaduan ti populasion ket manipud iti etnisidad a Sinhales, bayat a ti dakkel a minoridad dagiti Tamil ket nagpapelda pay iti maysa makaimpluensia a papel iti pakasaritaan ti isla. Dagiti Moro, dagiti Burgher, dagiti Malayo, Insik, ken dagiti aborihinal a Vedda ket dagiti pay addan a grupo iti isla.[20]
... the Pali Canon of Theravada is the first known collection of Buddhist writings ...