Logotipo di la Paco-trupi dil Unionita Nacioni.Braziliana soldato de la paco-trupi dil UN en Haiti.
La Paco-trupi dil Unionita Nacioni (Angle: United Nations Peacekeeping Forces) esas plurnaciona militala trupi kreita dal Unionita Nacioni kun aprobo e segun skopo determinata dal Sekureso-Konsilistaro dil Unionita Nacioni, por agar en zoni ube eventas militi, grantar pafo-ceso, inspektar la retreto di trupi, e suportar la desmobilizo di kombatanti. En kelka misioni li anke agis kom lokala polico por grantar la lego, o por removar landala torpedi. Lua membri konsistas ek soldati, policisti e kelkafoye civili sendata da landi qui esas membri del UN, ed esas populale konocata kom blua kaski o blua beredi. La paco-trupi kreesis en 1945, e sendesis unesmafoye en 1947 dum l'interna milito di Grekia, e restis ibe de 1947 til 1952.
Pro lua multa sucesoza internaciona misioni, en 1988 l'organizuro premiizesis per la Nobel-premio pri paco.
