Toronto

Toronto
Kelk imaji pri Toronto.
Standardo	Blazono
Lando:	Kanada
Provinco:	Ontario
Informo:
Latitudo:	43°42' N
Longitudo:	79°24' W
Altitudo:	76 m
Surfaco:	630,21 km²
Habitanti:	2 794 356 (2021)
Denseso di habitantaro:	4427,8 hab./km²
Disto de Ottawa:	352 km
Horala zono:	UTC-5 (UTC-4 dum la somero)
• Toronto
Oficala retosituo:
www.toronto.ca

Toronto esas la maxim populoza urbo di Kanada,^[1] kun plu kam 2,7 milion habitanti en 2021, e chef-urbo di la provinco Ontario. Ol ank esas la financala centro di Kanada: lua borso esas la maxim granda di Kanada, e la 7ma maxim granda de la mondo.

Esanta la "ekonomiala chef-urbo" di Kanada, ol ank esas blokala urbo. Ultre financi, ol ank esas importanta centro por telekomuniki, aferi, transporto, arto, cinemo, medikal inquesto, eduko e turismo. Toronto recevas multa enmigranti de tota mondo, e cikume 49% de lua habitantaro ne naskis ibe. Pro la basa kriminozeso, la sorgo pri ambientala temi ed alta vivo-qualeso, ol ofte judikesas kom un ek la maxim bona urbi de la mondo por rezidar. Tamen, en 2006 ol klasifikesis kom la maxim chera urbo di Kanada por rezidar.

Toronto havas tri universitati: l'universitato di Toronto, l'universitato York, e l'universitato Ryerson. L'universitato di Toronto esas la maxim anciena en la tri, e fondesis en 1827. Pri primara e sekundara eduko, cirkume 3/4 de la studianti studias en publika skoli, e la cetera studias en katolika skoli.

An la vicina urbo Mississauga jacas l'internaciona aeroportuo di Toronto.

1. ↑ Canadá - Nomo di la publikigo: Tiempo Medio de Greenwich. URL vidita ye 29ma di januaro 2008.