Texti

Texti er röð tákna sem hægt er að lesa úr merkingu. Texti er yfirleitt afurð skrifa með tilteknu tungumáli, þótt til séu dæmi um texta sem lesinn er úr annars konar táknum eða náttúrulegum fyrirbærum. Í yfirfærðri merkingu getur texti líka átt við hvers konar fyrirbæri samfelldrar táknunar, eins og kvikmynd eða dans.

Texti er oft kenndur við miðilinn sem hann er á, eins og bókartexti, bréfatexti, skjátexti eða dagblaðatexti. Einkenni á texta eru innri og ytri tengsl þar sem vísað er í tákn sem koma fyrir á undan eða eftir í sama texta, og aðra texta. Í stafrænum stiklutexta eru slíkar vísanir raungerðar. Hliðartexti er texti sem stendur til hliðar við megintexta, til dæmis spássíutexti eða káputexti bókar.

Textafræði er fræðigrein sem fæst meðal annars við greiningu texta með textarýni. Textamálfræði er undirgrein málvísinda sem fæst við rannsóknir á textum.

  Þessi grein er stubbur. Þú getur hjálpað til með því að bæta við greinina.