Pantura utawa Jalur Jalan Pasisir Utara ya iku ruas dalan sing jèjèr karo garis pasisir ing pérangan lor Pulau Jawa, Pantura ngehubungaké kutha-kutha ana ing 4 provinsi (Banten, jawa Barat, Jawa Tengah, lan Jawa Timur) kaya ta: Cilegon, Tangerang, Bekasi, Cirebon, Tegal, Pekalongan, Semarang, Demak, Kudus, Pati, Rembang, Tuban, Surabaya, Pasuruan, Probolinggo, lan Banyuwangi.[1] paling kulon diwatesi Pelabuhan Merak, kang ngahubungké karo Pelabuhan Bakauheni ing Pulo Sumatra. paling wétan diwatesi Pelabuhan Ketapang, kang ngahubungké karo Pelabuhan Gilimanuk ing Pulo Bali. Ing Pantura ora mung jalan Arteri baé, ana uga dalan tol ing Pantura:
Dalan kang total dawane 1.161,47 KM iki dibangun masa pamaréntah Daendels taun 1808-an. Tujuan agawe jalur iku kanggo mertahanke Pulau Jawa saking serbuan Inggris. Era Napoleon, Walanda dakalahke Perancis lan iseh perang karo Inggris. Jalur iki pancen duwé signifikansi dhuwur banget lan uga dadi urat nadi utama transportasi ana ing darat, amergo saben dino diliwati 20.000-70.000 kendaraan. Apa manèh yèn wayah arep Lebaran idul fitri, arus mudik ngalimpah ruah saka kulon maring wétan.[3]