Sultan Agung Prabu Hanyokrokusumo (miyos: Mataram, 1593-séda: Mataram, 1645) iku raja Kasultanan Mataram kang maréntah taun 1613-1645. Ing reh sangisoré Sultan Agung iki Mataram ngrembaka dadi krajan gedhé dhéwé ing Jawa lan Nusantara wektu semana.
Saka jasa-jasané minangka pejuang lan budayawan, Sultan Agung wis dikukuhaké dadi pahlawan nasional Indonésia dhedhasar S.K. Presiden No. 106/TK/1975 tanggal 3 November 1975 amarga wis gigih nentang praktik penjajahaning Walanda, kaping pindho sultan agung nyerang VOC ing Batavia, ing taun 1628 lan taun 1629