Yves Leterme

Yves Camille Désiré Leterme (lair ing Wervik, 6 Oktober 1960) iku pulitikus Bèlgi, anggota Parté Kristen Dhémokrat Flandria (CD&V), lan wiwit 20 Maret 2008 dadi Nayakotama Bèlgi. Sadurungé dhèwèké wis dadi Wakil Nayakotama lan Mantri Keuangan, Réformasi Institusional, Perhubungan saha Urusan Sagara Lor ing papréntahan féderal Bèlgi. Dhèwèké uga tau dadi Nayakotama Flandria lan Mantri Pertanian lan Perikanan Flandria.

Yves Leterme iku pilihan sing arep diangkat dadi Nayakotama Bèlgi sawisé pemilu ing taun 2007. Ing tanggal 26 Juni 2007, dhèwèké ngundhur dhiri saka kalungguhan Nayakotama Flandria lan diganti déning Kris Peeters. Ing tanggal 16 Juli 2007, Leterme ditunjuk dadi formatur koalisi papréntahan anyar. Nanging nganti tanggal 1 Dhésèmber 2007 ora bisa-bisa. Wusanané dhèwèké diangkat dadi Nayakotama ing tanggal 20 Maret 2008.