Back Wallies Afrikaans Walisisch ALS ዌልስኛ Amharic Idioma galés AN Wilisc sprǣc ANG वेल्श भाषा ANP اللغة الويلزية Arabic لغه ويلزى ARZ Idioma galés AST Vall dili Azerbaijani
| Kembrek (Cymraeg) | |
|---|---|
| Kewsys yn: | Kembra (611.000), Pow Sows (150.000), Arghantina (25.000), powyow erell |
| Kembregoryon: | 791 000+ |
| Klasyans genynnek: | Eyndo-Europek |
| Rannyethow | Gwynedhek, Powysek, Dyvesek, Gwenhoesek |
| Savla Soedhogel: | Taves ranndiryel yn Kembra |
| Kodennow | |
| ISO 639-1 | cy |
| ISO 639-2(B) | wel |
| ISO 639-2(T) | cym |
| ISO 639-3 | cym |
Kembrek (po Cymraeg y'n yeth hy honan) yw yeth keltek Kembra. Pur haval yw kembrek dhe'n yeth kelesonek hag o kewsys yn Alban deghow. Gans Bretonek ha Kernewek, yma Kembrek ow kul an bagas brythonek a'n kordh keltek.
Yma Kembrek ow kevrenna 70% a'y erva selvenek gans Bretonek, ha 75% gans Kernewek.
Herwydh niveryans 2004, yth esa 21,7% a boblans Pow Kembra ow kewsel Kembrek: hemm yw kressyans a 3% moy ages yn niveryans 1991.
Avel mammyeth, kreffa yw Kembrek yn Howlsedhes an pow: yn Gwynedh, Meryonydh, Ynys Mon, Konteth Kervyrdhin, kledhbarth Konteth Bennvro, ha Keredigyon.
Yma Senedh Kembra ow tevnydhya kembrek avel yeth soedhogel, ha diwyethek (yn kembrek ha sowsnek) yw menystrans an pow mar rewl.
Niver a Gembroyon a drevesigas rann a Batagoni yn Deghow Arghantina y'n 19ves kansblydhen. Yma aga threvesigeth, Y Wladfa war Avon Kammwy, ow kortos diwyethek yn kembrek ha spaynek.
