Fines
Forma
Vita
Abascia,[1][2] Abasgia,[3][4] Abasgorum Terra,[5] seu Abchasia[6] (Abasgice Аҧсны, Georgiane აფხაზეთი; Russice Абхазия; Armeniace Աբխազիա), est regio inter Pontum Euxinum et Caucasum sita, quae 23 Iulii 1992 se e Georgia liberam rem publicam sui iuris declaravit. Secundum autem Consociationem Nationum, intra Georgiae fines inter civitates agnitos manet. Solum sex omnino liberae civitates in orbe terrarum Abasciam liberam agnoscunt: Russia, Nicaragua, Venetiola, Nauru, Vanuatu, Tuvalu. Georgianae auctoritates? nullum dominium in Abasgicis terris habent.