Anna Hidalgo (nata ad fanum S. Fernandi Hispaniae die 19 Iunii 1959) est politica et socialista Franciae et magistra civium urbis Lutetiae.
Parentibus ad urbem Lugdunum anno 1961 immigrantibus, Anna Hidalgo ibi in regione urbana Vaise educata est. Alumna est universitatum Lugdunensis III et Parisiensis X. Inter annos 1997 et 2002 secretaria meruit iuxta ministros tres rectionis Leonilli Jospin, scilicet Martinam Aubry, Nicolam Péry et Marylise Lebranchu. Magistro civium Lutetiae Bertrandi Delanoë prima adiuncta est ab anno 2001 et a die 5 Aprilis 2014 successor. Maritus eius est politicus Ioannes Marcus Germain.