Familia
Antonius Albanese, Anglice plene Anthony Norman Albanese (Sydnei natus die 2 Martii 1963) est politicus Australiae qui die 21 Maii 2022 primus minister Australiae electus est,[1] antecessore Scott Morrison.
Patre Italo mox abeunte, a matre origine Hiberna educatus est. Scholam cathedralem S. Mariae Catholicorum in urbe nativa frequentavit. Alumnus est universitatis Sidneiensis, ubi sodalis Factionis laboris factus est. Legatus est parlamento Australiano pro circulo Grayndler ab anno 1996. Dux vicarius factionis Laboris primusque minister vicarius (duce et primo ministro Coemgeno Rudd) breve temporis spatium anno 2013 meruit. Die 30 Maii 2019 dux factionis suae electus est; factione ergo in comitiis nationalibus anno 2022 victrice, officium primi ministri die 23 Maii 2022 suscepit.