Familia
Antonius Ludovicus Santos da Costa, vulgo plene António Luís Santos da Costa (Olisipone natus die 17 Iulii 1961) est causidicus et politicus Portugalliae.
Patre Goano, Olisipone educatus et eruditus est in universitatibus Olisiponensi et Lusitana Catholica. Deputatus est annis 1982–1993 ad cameram municipalem Olisiponensem, annis 1991–1995 ad conventum nationalem Portugallensem. Minister rerum parlamentariarum annis 1997–1999, minister a iustitia annis 1999–2002, minister rerum internarum et minister civicus annis 2005–2007 meruit. Breviter annis 2004 et 2005 legatus est apud Parlamentum Europaeum. Fuit praeses camerae municipalis urbis Olisiponis ab anno 2007 usque in diem 6 Aprilis 2015. Secretarius generalis factionis Socialisticae Portugallensis anno 2014 electus est. A die 24 Novembris 2015 est primus minister Portugalliae.