Beda Petersburgiensis[1] est liber anno fere 746 manu scriptus, in Bibliotheca Nationali Russica siglo Lat.Q.v.I.18 servatus. Textum continet Bedae venerabilis Historiae ecclesiasticae gentis Anglorum; etiam Caedmonis "Hymni" Anglosaxonice compositi. Primus omnium codicum in Europa manu scriptorum hic ostendit litteras initiales historiatas, id est, imaginibus minutis illustratas.