Back كارولوس كلاسياس Arabic Carolus Clusius AST Carolus Clusius Catalan Carolus Clusius Czech Карл Клузиус CV Charles de l’Écluse German Carolus Clusius English Charles de l'Écluse Esperanto Carolus Clusius Spanish Carolus Clusius Basque
Carolus Clusius
Obitus: 4 Aprilis 1609; Lugdunum Batavorum
Patria: Belgium Meridionale, Francia
Memoria
Carolus Clusius vel nomine Francogallico Charles de l'Écluse (natus Samarobrivae die 19 Februarii 1526; Lugduni Batavorum mortuus die 4 Aprilis 1609) fuit herbarius scriptorque et interpres operum quae de plantis exoticis, hortorum cultu et nuper repertis disseruerunt. Alumnus fuit medici Gulielmi Rondeletii apud universitatem Montispessulani, sed artem medicam reliquit. Ab anno 1573, iussu Maximiliani II imperatoris, praefectus meruit Horti Medici Imperialis Vindobonensis. Lugdunum Batavorum anno 1593 petivit. Ibi professor universitatis hortum academicum creare et elaborare curavit, qui hortus e schedis et indicibus Clusianis tempore nostro restitutus est.
Genus plantarum Clusia ad eius honorem a Carolo Plumier nominatum est; quod nomen Carolus Linnaeus descriptione confirmavit.[1]
- ↑ Plumier (1703); Carolus Linnaeus, Species plantarum (Holmiae: impensis L. Salvii, 1753) vol. 1 p. 509 (Latine)