Back Çelsi oteli Azerbaijani Hotel Chelsea Catalan Chelsea (hotel) Czech Chelsea Hotel German Ξενοδοχείο Τσέλσι Greek Hotel Chelsea English Hotel Chelsea Spanish Chelsea Hotel Estonian Hotel Chelsea Basque Hotel Chelsea Finnish

Deversorium Chelsea

Facies cum maenianis ferri fusi.
Opera artis in scalis deversorii exhibentur.
Facies deversorii Decembri 2010.

Deversorium Chelsea (Anglice Hotel Chelsea), etiam Chelsea Deversorium et simpliciter Chelsea appellatum, est deversorium historicum et locus distinctus Urbis Novi Eboraci inter annos 1883 et 1885 aedificatum et praecipue notum pro eius incolis notabilibus. Deversorium, 250 unitates habens ad 222 West Via 23 Manhatae inter xystos septimum et octavum, in Chelsea, vicinia Manhatae, domus permultorum scriptorum, musicorum, artificum, et histrionum fuit, inter quos Robertus Dylan, Vergilius Thomson, Birgitta Berlin, Carolus Bukowski, Ioanna Joplin, Thomas Waits, Leonardus Cohen, Patti Smith, Iggy Pop, Viva, Gaby Hoffmann, Jobriath, et Laurentius Rivers. Quamquam Chelsea nondum accipit novas conductiones diutinas, aedificium iam est domus multorum qui ibi habitabant ante mutationem rationis. Ex die 1 Augusti 2011, deversorium ob renovationes praecluditur.[1]

Arthurus C. Clarke 2001: A Space Odyssey in Chelsea commorans scripsit, et poetae Allen Ginsberg et Gregorius Corso locum elegerunt commutationis philosophicae et artificiosae. Chelsea praeterea fuit deversorium ubi Dylan Thomas commorabatur cum pneumonia 9 Novembris 1953 obiret, et ubi corpus Nancy Spungen, amiculae Sid Vicious, sodalis Sex Pistols, inventum est, fataliter punctum die 12 Octobris 1978. Arthurus Miller "The Chelsea Affect," rem brevem vitam in Chelsea sub 1960 commemorantem, scripsit.[2]

Aedificium locus orientationis ex 1966 designatur, et in Tabulis Nationalibus Locorum Historicorum ex 1977 perscribitur.[3]

  1. ↑ Chris Rovzar, "Hotel Chelsea No Longer Taking Reservations," New York, 27 Iulii 2013.
  2. ↑ Miller, Arthur, "The Chelsea Affect", Granta #78: "Bad Company", Summer 2002.
  3. ↑ Gobrecht, Lawrence E. (April 20, 1977). "National Register of Historic Places Inventory/Nomination: Hotel Chelsea"  and Accompanying three photos, exterior, from 1977
From Wikipedia, the free encyclopedia · View on Wikipedia

Developed by razib.in