Back Dinosourus Afrikaans Dinosaurier ALS ኃያል እንሽላሊት Amharic Dinosauria AN डायनासोर ANP ديناصور Arabic ديناصور ARY ديناصور ARZ ডাইন’চৰ Assamese Dinosauriu AST
Classis : Reptilia
Subclassis : Diapsida
Infraclassis : Archosauromorpha
Superordo : Dinosauria
Owen, 1842
Dīnosauria (-iorum, n. pl.: nomen zoologicum ex verbis Graecis δεινός, 'terribilis' et σαῦρος, 'lacerta, reptile'), nonnumquam dinosauri (m. pl.), sunt diversissimus animalium superordo, qui ut vertebrata terrestria orbem terrarum plus quam 160 000 000 annorum regnabant, ab Aevo Triassico (abhinc annis fere 230 000 000) ad finem Aevi Cretacei (abhinc annis fere 65 000 000). Nomen a Ricardo Owen anno 1842 statutum est. Haec animalia aut carne aut herbis vescebantur. Exstinctio plurimarum specierum per exstinctionem Cretaceam-Palaeogenam facta est. Fossilia significant aves se ex dinosauriis theropodis Aevo Iurassico evolvisse. Aliqua dinosauria exstinctioni Cretaceae-Palaeogenae superfuerunt, maioribus omnium avium hodiernorum non exceptis. Qua de causa in hodiernis classificationis systematibus, aves quasi pro dinosauriis habentur – ex quorum grege eae solae usque ad praesens tempus supersunt.[1][2]
Primum per culturam popularem multa dinosauria claritatem acceperunt, inter quorum numerum praecipue nominari oportet Velociraptorem, Tyrannosaurum, Triceratopa, Compsognathum, et Parasaurolophum.
- ↑ Gauthier, Jacques; de Querioz, Kevin (2001). "Feathered dinosaurs, flying dinosaurs, crown dinosaurs, and the name 'Aves'." (PDF). New Perspectives on the Origin and Early Evolution of Birds: Proceedings of the International Symposium in Honor of John H. Ostrom. Peabody Museum of Natural History, Yale University. ISBN 0-912532-57-2
- ↑ Z. Zhou, "The origin and early evolution of birds: discoveries, disputes, and perspectives from fossil evidence," Naturwissenchaften 91, no. 10 (2004): 455–71. doi:10.1007/s00114-004-0570-4.