Back Huil Afrikaans بكاء Arabic Lloru AST Paghibi BCL Плач Bulgarian Plor Catalan Tiè-mà CDO Pláč Czech Weinen German Mihad DTP

Fletus

Iosephus Biden lacrimas fundere incipit dum Baracus Obama Nomisma Libertatis Praesidentiale in Aedibus Albis ei concedit, die 12 Ianuarii 2017.

Fletus est lacrimas fundere (aut ortus lacrimarum in oculis), statui animi, dolori, corporeaeve oculorum irritationi respondens. Inter animi motús qui fletum stimulare possunt numerantur felicitas, gaudium, ira, tristitia. Actio flendi definitur "multiplex res secretomotorica cuius proprietas est lacrimas fundere ex apparatu lacrimali sine irritatione structurarum oculorum,"[1] potius levationem praebens quae coniunctivitem prohibet.[2] Consociatum vocabulum medicum est lacrimatio, quae etiam lacrimas fundendas non animi motus causa attingit. Varia flendi genera agnoscuntur.[3]

Puella duos annos nata vagit.

Coniunctio neuronalis inter glandulam lacrimalem (ductum nasolacrimalem) et regiones cerebri humani cum animi motu implicatas affirmata est. Investigatores scientifici disputant num homines sint sola animalia quae lacrimas fundant, statui animi motús respondentes.[4][5] Carolus Darwin in The Expression of the Emotions in Man and Animals dixit custodes elephanti Indicorum in Vivario Londiniensi ei dixisse eorum curas lacrimas maeroris aliquando fundere.

Lacrimis animi motibus effectibus sunt compositio chemica quae ab aliis lacrimarum generibus discrepat, summas continentes insigniter maiores hormontium prolactini, hormontis adrenocorticotropici, et Leu-enkaphalini,[6] atque elementorum kalii et mangani.[4]

  1. ↑ Anglice "a complex secretomotor phenomenon characterized by the shedding of tears from the lacrimal apparatus, without any irritation of the eye structures."
  2. ↑ Patel, V. (1993). "Crying behavior and psychiatric disorder in adults: a review". Compr Psychiatry 34 (3): 206–11  Quoted by Michelle C. P. Hendriks, A. J. J. M. Vingerhoets in Crying: is it beneficial for one's well-being?
  3. ↑ Inter quae clamitatio et clamor (clamare et clamitare), eiulatio et eiulatus (eiulare), lacrimare, lamenta et lamentatio (lamentari), (de)ploratus ((de)plorare), planctus (plangere), singultus (singultare), vagitus (vagire), vociferari.
  4. ↑ 4.0 4.1 Walter 2006.
  5. ↑ Frey et Langseth 1985: 135–39.
  6. ↑ Skorucak, "The Science of Tears."
From Wikipedia, the free encyclopedia · View on Wikipedia

Developed by Tubidy