Fumio Kishida

Fumio Kishida

Res apud Vicidata repertae:

Nativitas: 29 Iulii 1957; Shibuya-ku
Patria: Iaponia

Familia

Genitores: Fumitake Kishida;
Coniunx: Yuko Kishida
Proles: Shotaro Kishida

Fumio Kishida (litteris Iaponicis 岸田 文雄 Kishida Fumio, natus Hiroshimae in urbe Iaponica die 29 Iulii 1957) est politicus, argentarius, et ex die 4 Octobris 2021 primus minister Iaponiae.

E familia hominum politicorum ortus, Fumio Kishida alumnus est Universitatis Waseda ubi iuribus studuit. Argentarius operam dedit, sed ab anno 1993 parlamento Iaponico legatus est. Minister a rebus Okinawaensibus ab anno 2007, minister civicus a commercio ab anno insequenti, deinde minister civicus a scientia et technologia, denuo a die 26 Decembris 2012 ad 3 Augusti 2017 minister a rebus externis meruit, primo ministro Shinzō Abe. Brevissimum temporis spatium a die 28 Iulii 2017 minister a munitione eodem tempore functus est, Tomomi Inada ab hoc munere subito recedente.

Die 15 Aprilis 2023, impetus bombae in Wakayamaënsi subiectus fuit, sed non vulneratus est.^[1]