Gaius Iulius Caesar (praetor 92 a.C.n.)

Gaius Iulius Caesar (natus circa 140 a.C.n.; mortuus 85 a.C.n.) fuit senator, C. Marii fautor, et frater Sex. Caesaris consulis. In matrimonium duxit Aureliam e stirpe Aureliorum Cottarum, filiumque genuit C. Caesarem dictatorem futurum et filias duas, quarum una L. Pinario nupsit, altera M. Balbo.

C. Caesar tribunus militaris et quaestor meruit; praetor fuit anno (si recte distinguitur) 92 a.C.n. et postea proconsul Asiae. Romae subito domi mortuus est mane dum caligas pedibus alligat.^[1]