Gregorius XIII

Gregorius XIII

Res apud Vicidata repertae:

Nativitas: 1 Ianuarii 1502; Bononia
Obitus: 10 Aprilis 1585; Roma
Patria: Dicio Pontificia
Nomen nativum: Ugo Buoncompagni

Pontificatus

1572 - 1585
Praecessor: Sanctus Pius V
Successor: Sixtus V

Insignia heraldica

Gregorius XIII (natus Hugus Buoncampagni Bononiae, 7 Ianuarii 1502; mortuus Romae, 10 Aprilis 1585), fuit papa Catholicus et episcopus Romanus a die 13 Maii 1572.

Hugus Buoncompagni doctor fuit iurisprudentiae. Anno 1539, Romam vocatus, variis functus est muneribus quoad legem ecclesiae. Ibi electus est laicus a Paulo PP. IV in episcopatum Vestanum. Mortuo Sancto Pio PP. V summus pontifex electus est. Etiam si iuvenis vitam duxit non semper rectam, papa factus onus muneris accepit, et vestigia sui sancti predecessoris sequebatur. Reformationi se dedit ecclesiae, Concilii Tridentini decreta meminit, et homines bonae famae ad munera ecclesiastica quaesivit. Indicem librorum publicavit, et residentiam episcoporum etiam a cardinalibus requisivit. Permisit omnes Romae degentes eum visitare in audientia publica semel in hebdomada facta. Principes Europae ad proeliandum contra Saracenos coniungere voluit, sed nequivit. Plurima fundavit seminaria ad sacerdotes bene educandos; inter ea Collegium Romanum, cuius successor, Pontificia Universitas Gregoriana, ab eo nomen ducit. Solicitus fuit fidei apud Germanicos erigens Congregationem Germanicam ad eos iuvandos. Amicus Sancti Philippi Nerii, Congregationem Oratorii aliasque fundationes religiosas instituit. Tentatus est Hiberniam liberare a dicione Anglica, sed in hoc fefellit. Quoad saecularia notus est auctor Calendarii Gregoriani, quod adhuc adhibetur a paene omnibus orbis terrarum populis.

Papa Gregorius XIII recognitionem Martyrologii Romani praeclaro historico Caesari Baronio comisit.