Back Guillem el Mariscal Catalan Vilém Maréchal Czech William Marshal, Iarll 1af Penfro Welsh William Marshal, 1. jarl af Pembroke Danish William Marshal, 1. Earl of Pembroke German William Marshal, 1st Earl of Pembroke English Vilhelmo Marshal (1-a grafo de Pembroke) Esperanto Guillermo el Mariscal Spanish William Marshal, esimene Pembroke'i krahv Estonian William Marshal (Pembroken 1. jaarli) Finnish

Guillelmus Marescallus

Guillelmus Marescallus sepulchro suo figuratus
Guillelmus Marescallus Balduinum de Guisnes vicit, in Chronicis maioribus Matthaei Parisiensis pictus
Castrum Penbrochiae a Guillelmo Marescallo praesertim constructum

Guillelmus communiter marescallus dictus (natus anno 1146; mortuus die 14 Maii 1219) fuit miles et rerum politicarum peritus Angliae, minister et dux exercituum regum Henrici II, Henrici iunioris, Ricardi I, Iohannis et Henrici III, huic iuveni protector et regens. Fuit filius Ioannis Marescalli uxorisque eius Sibyllae. In matrimonium duxit Isabellam de Clare qui suo iure comitissa Penbrochiae erat; Guillelmus ipse dignitate comitis Penbrochiae a rege Iohanne die 27 Maii 1199 laureatus est.

Guillelmi avunculus Patricius comes Sarisberiensis (qui pro rege Anglico Henrico II militavit) die circiter 7 Aprilis 1168 in insidiis iuxta Leziniacum interfectus est a Galfrido et Guidone de Leziniaco. Guillelmus ipse eisdem insidiis vulneratus et captus mox suadente regina Alienora Aquitaniae liberatus est.[1]

Henricus rex iunior die 11 Iunii 1183 moriens crucem a se susceptam Guillelmo tradidit.[2] Annis igitur 1184-1186 Guillelmus peregrinus ad Terram Sanctam profectus est.[3]

  1. ↑ Histoire de Guillaume le Maréchal 1559-1868
  2. ↑ Histoire de Guillaume le Maréchal 6891-6915
  3. ↑ Histoire de Guillaume le Maréchal 7233-7301
From Wikipedia, the free encyclopedia · View on Wikipedia

Developed by Tubidy