Historia Anglorum est titulus operis ab Henrico Huntindoniensi confectum de historia Britanniae et Angliae ab anno 43 usque ad tempus suum. De saeculis anterioribus multa Henricus extraxit ex Historia ecclesiastica Bedae et e Chronicis Anglosaxonum; tabulam proeliorum regis Arthuri ex Historia Brittonum Nennii dempsit.
Anno circiter 1135 redactionem primam operis confecit, in septem libros divisam, usque ad eum annum productam. Anno 1145 in redactione secunda tres libros addidit et res nonnullas ex Historia regum Britanniae Galfridi Monemutensis inseruit.