Back Dolmetscher German Interpretisto Esperanto Intérprete (profesión) Spanish Tõlk Estonian Tulkki Finnish Tolk (berop) Frisian מתורגמן HE Tolmács (foglalkozás) Hungarian Interprete (lingua) Italian Tolk (beroep) Dutch
Interpres, vel metaphrastes, est qui sermonem aut orationem aut gesticulationem intellegibilem reddat inter duas vel plures partes, quae diversis linguis utuntur. Interpretis est igitur internuntium esse, qui in aliquo negotio agendo aliave re explananda medium se interponit. Officia interpretis et translatoris,? quamquam ambo ad convertendas linguas referuntur, hoc differunt, quod interpres saepissime loquendo, translator autem scribendo, munere suo fungitur. Quod munerum discrimen in multis linguis primum post secundum bellum mundanum factum esse videtur.