Familia
Iosephus Robinette Biden minor (Anglice Joseph Robinette Biden, Jr., natus Scrantoniae in urbe Pennsilvaniensi die 20 Novembris 1942), Joe Biden vulgo appellatus, est praeses Civitatum Foederatarum, Vasingtoniae, die 20 Ianuarii 2021 inauguratus cum Kamala Harris, praeside vicaria. In comitiis praesidentialibus anni 2020 habitis, Donaldum Trump vicit. Sodalis Factionis Democraticae, quadragesimus septimus vice praeses a 2009 ad 2017 meruerat. Ab anno 1973 ad annum 2009 Delavariam in Senatu Civitatum Foederatarum repraesentaverat.
Alumnus est universitatis Delavariensis et scholae iuris Universitatis Syracusanae. Impubes haesitationi loquendi subiectus fuit. Civitates Americanae eum praesidem vicarium die 4 Novembris 2008 creaverunt, et inauguratus est die 20 Ianuarii 2009 suo cum collega, Baraco Obama praeside quarto et quadragesimo. Biden senatum anno 1973 accesserat, sexies recreatus erat, et munus praesidis bis (annis 1988 et 2008) frustra petiverat ipse, priusquam Baracus Obama eum Factioni Democraticae vicarii muneris candidatum delegit.
Etiam pater Hunter et Beau Biden est.
Die 21 Iulii 2024, pipiavit se praefecturam iterum non petere, scribens hoc arbitrium "ex optimo meae factionis civitatisque usu esse."[1][2]