Italia illustrata est opus geographicum et historicum de urbibus et regionibus Italiae, Latine a Blondo Flavio Forliviensis compositum. Quod opus suadente Alphonso magnanimo Aragonum rege inceptum, inter annos 1447 et 1453 magna parte scriptum, papa Nicolao V dicatum, non ante 1474, auctore iam mortuo, curante filio Caspare Blondo editum est. Versio Italiana anno 1543, interprete "Lucio Fauno" i.e. Ioanne Tarcaniota, divulgatum est.
Italia illustrata in libros octo divisum est, descriptionem comprehendens quae in regiones quattuordecim digeritur, videlicet:
- Liber I. Regio prima: Liguria
- Regio secunda: Etruria
- Liber II. Regio tertia: Latina
- Liber III. Quarta regio: Umbria sive Ducatus Spoletanus
- Regio quinta: Picenum sive Marchia Anconitana
- Liber IV. Regio sexta: Romandiola sive Flaminia
- Liber V. Regio septima: Lombardia
- Liber VI. Regio octava: Venetiae
- Regio nona: Marchia Tarvisina
- Regio decima: Foroiulium
- Regio undecima: Histria
- Liber VII. Regio duodecima: Aprutium
- Liber VIII. Regio tertia decima: Campania
- Regio quartadecima: Apulia
"Lucaniam, Salentinos, Calabros et Brutios", quas in primis verbis libri septimi aggrediri promisit, nihilominus omisit. Neque Pedemontium neque insulas Corsicam, Sardiniam, Siciliam sub nomine Italiae comprehendit.