Lingua Batava

Lingua Batava Nederlands
IPA	[ neːdərlɑnts ]
Taxinomia	Linguae Indoeuropaeae  Linguae Germanicae   Linguae Germanicae Occidentales    Lingua Batava
Locutores	23 000 000 - 27 000 000
Sigla	1 nl, 2 dut, 3 nld
Status publicus
Officialis	Nederlandia, Belgia, Surinamia, Aruba, Antilliis Nederlandiis
Privata	permultae civitates
Litterae	—
Scriptura	Latina
Procuratio	nl:Nederlandse Taalunie
Familiae linguisticae coloribus Vicipaedicis pictae

Lingua Batavica seu Nederlandica^[1] vel Nederlandiae ^[2] sive Flandrica^[3] vel Belgica et Hollandica^[4] seu Germano-Batavica^[5] sive Germanica inferior^[6] lingua ex linguis Indoeuropaeis est et sub familia Germanica subsummata, familia quae una cum lingua Anglica, lingua Anglica antiqua, lingua Saxonica, lingua Saxonica antiqua, lingua Frisica, lingua Theodisca, lingua Alemannica, lingua Franconica et lingua Jiddisch Germanicum occidentale formatur. Lingua inter Germanicas occidentales numerata et materna fere omnium Bataviae, Belgicae et Surinamiae civium quae tres civitates in Congregatione Linguae Batavicae partem habentes per illam congregationem linguae leges ferunt. Hodie in Europaea Unione plus minusve 23 milliones cives Batavicam e sinu nutricis primam linguam acceperunt cum alii vero 5 milliones Batavice loquentes aliam linguam a parentibus acceperunt. Praeterea lingua Batavica officialis est in Antillarum Minorum insulis Aruba, Curacense Sancto Martinoque. Quidam autem loquentes incolunt Francogalliam, Germaniam et Indonesiam et 500.000 homines Batavicae linguae scientia in Civitatibus Foederatis, Canada et Australia praediti sunt. Peregrinationes ex Africa Australe Namibiaque quae olim Batavae Capitenses dicebantur nunc una Afrikaans (i.e. lingua Africana) vocantur, quae fere a Batavoloquentibus intelligi potest.