Lugdunum erat castra Romana ad Limitem Germanicum inferiorem in loco hodie a Mari Germanico submerso prope Katwijk(nl) in provincia Batava Hollandiae Australis sita. Castra (per errorem) a Claudio Ptolemaeo in Geographia sua Lugdunum Batavorum appellata sunt, ut distinguantur ab aliis locis nominis Lugdunum.[1]
Ruina nominis Batavi Brittenburg(nl) (vel olim Borch te Bretten(nl)) interdum in mari observata (postremo anno 1923, sed quae ex eo tempore inveniri non potuit) verisimiliter Lugduni est. Anno 1982 vestigia archaeologica Romana in Katwijk inventa sunt quae verisimiliter reliquiae vici Romani apud castra siti sunt.[2]