Maura Tracy Healey (Bethesdae in oppido Terrae Mariae die 8 Februarii 1971 nata) est politica Civitatum Foederatarum.
E stirpe Hibernica orta, alumna est Collegii Harvardiani ubi politiae studuit canistriludioque contendebat: quibus certaminibus duos annos Salisburgi in Austria operam dedit. Deinde iuribus apud universitatem Boreorientalem studens gradum doctoris anno 1998 ascendit. Iuris consulta usque in annum 2014 in Massachusetta laboravit; quo anni advocata generalis huius civitatis electa usque in annum 2022 meruit. Gubernatrix Massachusettae, eo anno electa, die 5 Ianuarii 2023 inaugurata est.