Paeninsula Balcanica,[1] interdum Balcania[2][3] est regio montana Europae austro-orientalis quae inter maria Hadriaticum, Ionium, Aegaeum, Euxinum comprehensa est, fluminibus Danubio, Savo, Corcora subiacens. Nomen origine Turcicum (balkan = 'mons') non ante saeculum duodevicensimum receptum est.
Temporibus recentioribus saeculis a sexto decimo ad undevicensimum, haec regio imperii Ottomanici pars Europaea fuit et deinde huius nomen actualis geo-politicus. Civitates hodiernas Montem Nigrum, Albaniam, Kosoviam, Serbiam, Macedoniam Septentrionalem, Bulgariam, Graeciam, Bosniam, partim Croatiam et Sloveniam necnon Turciam et Romaniam comprehendit.