Paulus Sherwen (natus William Paul Sherwen Widnes Lancastriae 7 Iunii 1956; mortuus Kampalae Ugandae 2 Decembris 2018), Climber per ludibrium appellatus,[1] fuit professionalis birotarius certans Anglicus et deinde animator programmatum de birotatione, praecipue de Circuitu Franciae. Septies in circuitu ipso certavit, quinquies finiens, et facultate poenae in longis stationibus montanis dandae innotuit.[2]
Usque ad finem Circuitus Franciae anni 2016, Sherwen et Philippo Liggett commentarios inter civitates per multa reticula televisifica emissos offerebant, inter quae SBS Network in Australia[3][4] et NBC Sports in Civitatibus Foederatis. Sherwen et Liggett tum solum pro NBC Sports commentabant.
Sherwen Kampalae Ugandae habitabat: usum aurifodinae Busitemae in Uganda orientali habebat,[5] et constanter inter Ugandam et Civitates Foederatas ultro citroque commeabat.[6]
Sherwen defectione cordis die 2 Decembris 2018 domo Kampalae Ugandae mortem obiit, anno aetatis suae 62.[7][8][9] Katherine uxor ac Margaux et Alexander liberi supervivunt.[10]