Back Philippos II van Masedonië Afrikaans Philipp II. (Makedonien) ALS فيليب الثاني المقدوني Arabic فيليب التانى المقدونى ARZ Filipu II de Macedonia AST Makedoniyalı II Filip Azerbaijani ایکینجی مقدونیه لی فیلیپ AZB Філіп II Македонскі Byelorussian Филип II Македонски Bulgarian ম্যাসিডনের দ্বিতীয় ফিলিপ Bengali/Bangla
Philippus II (Graece: Φίλιππος) fuit Macedoniae rex. Is, triennio obses Thebis habitus, educatus est in Epaminondae domo : quae res ei maxima incrementa dedit egregiae indolis. Iam instructus erat omnibus imperatoriis virtutibus, cum solium adeptus est. Macedonia, continuis bellis exhausta, undique a vicinis populis premebatur ; eam ab omni externo impetu tutam praestitit Philippus, optimum exercitum instruendo. Invictum pedestrium copiarum corpus effecit, phalange constituta ad effigiem sacri Thebanorum agminis, sed multo numerosiore. Thessalorum equitum robur sibi adiunxit. Milites severa disciplina continuit : miles quidam gregarius, siti pressus, relicta statione, potu se recreaverat ; illum rex virgis caedi iussit. Alter, qui arma posuerat, cum in armis standum esset, capite damnatus fuit. Ubi viribus suis satis confisus est, Philippus Graecorum libertati coepit insidiari.