Prayun Pamornmontri seu Pamon Montri (ประยูร ภมรมนตรี; natus anno 1897 Berolini, patre Siamensi, matre Germanica; mortuus anno 1982) fuit dux exercituum Siamensium, ab anno 1938 usque ad 1943 dux cohortis iuvenum (Yuwachon Thahat), annis 1941-1944 particeps Commissionis Militaris Thai-Iaponensis, annis 1945 et 1946 incarceratus.
Prayun Pamornmontri rebus politicis Lutetiae studuit ab anno 1922; ibi Plaek Phibunsongkhram cognovit. In regnum reditus factionem popularem condidit. Fuit a die 14 Septembris 1932 usque ad 10 Iulii 1933 secretarius concilii publici Siamensis. Cum principe Bavoradej rursus novas res movit, sed frustra; inde in exsilium missus est et in consulatu Siamensi in urbe Saigon meruit.