Primum Bellum Sino-Iaponense (1 Augusti[1] 1894 ad 17 Aprilis 1895) fuit bellum inter Domum Qing Sinensem et Imperium Iaponicum de dicione Coreae. Iaponici, armis recentioribus utentes, vicerunt. Sinenses devicti indemnitates solverunt, annoque 1895 cesserunt e paeninsula Liadong (quam Iaponici, Germania, Francia Russiaque suadentibus, extemplo reddiderunt) et insula Formosa, ut per foedus Shimonoseki nuncupatum statuerant. Victimae militum belli Iaponiae apud Yasukuni venerantur.