Gestio
Populus
Commemoratio
Sigla
Tabula aut despectus
Res publica Coreana (Coreane [Hangul] 대한민국; [Hania] 大韓民國), vulgo Corea Meridiana, est civitas in Asiae paeninsula Coreana sita, cuius caput Seulum est. Rei publicae praeest Mun Jaein, praeses. Lingua publica Coreana est, quae hodie plerumque litteris Hangul scribitur. Moneta vŏn (원 / 圓) appellatur.
In septentrione, zona dearmata 238 chiliometra longa posita est, inter Coream Meridianam et Coream Septentrionalem.
Corea Meridiana duodecima oeconomica potentia mundana hodie est secundum calculum PDG in PAP, et quinta decima secundum usitatum monetarium criterion.