Back Tortiella floixa AN العجة Arabic اومليت ARZ Omlet Azerbaijani Амлет Byelorussian Амлет BE-X-OLD Омлет Bulgarian Intalu dadar BJN ডিম ভাজি Bengali/Bangla Alumenn Breton
.jpg)
Sphungatum[1][2] (etiam Latinitate culinaria ova spongia[3] aut frictata)[4][5] est ferculum ex ovis commixtis in sartagine confectum. Praeceptum iam saeculo fere IV Latine in Apicius sive De re coquinaria datum est; ferculum aevo medio in fontibus tam Europaeis quam Sinicis descriptum est; hodie in Europa Asiaque orientali et per totum fere mundum comeditur.
Vocabulum Francogallicum saepe saeculo XIV exeunte in libro Le Mesnagier de Paris usitatum alumelle (ut qui "lamella" Latine diceret) ac semel alumette,[6] postea sub formis omelette,[7] amelette, aumelette, reperitur. Quod vocabulum et Anglice legitur, a principio omelet,[8] sive omlet[9] sive et amulet,[10] recentius a Britannis omelette modo Francogallico sed ab Americanis omelet etiam hodie scribitur.
- ↑ Σφουγγᾶτον atque semel σφογγᾶτον, vocabulum Graecolatinum in fontibus Graecis repertum: Dalby (2003) pp. 230-31.
- ↑ Lapsus in citando: Invalid
<ref>tag; no text was provided for refs namedProdromica - ↑ "ova sfongia" etc.: Apicius; "ova spongia": editores Teubneriani.
- ↑ "Frictata" (titulo Latino, praecepta Italice scripta): Martino
- ↑ Latinitate recentiore "ovorum intrita": Dictionnaire universel (1704)
- ↑ Mesnagier: de nominibus vide notas subiunctas pp. 207 et 208 editionis Pichon
- ↑ Franciscus Rabelaesus, Le Quart Livre (1548) cap. iv quaternion D1 v; sed editioni 1552, orthographia nimis erudita, homelaicte: lib. IV cap. ix
- ↑ "Omelette [vv.ll. Haumelotte, Homelette], an omelet, or pancake of egges" R. Cotgrave, Dictionary of the French and English Tongues (1611)
- ↑ Evelyn (1699)
- ↑ Glasse (1747)