Synonyma plantarum barbara,[1] e variis linguis et traditionibus Imperii Romani hausta, in Herbarium Latinum pseudo-Apulei et in recensionem alphabeticam librorum Dioscoridis De materia medica inseruntur. Max Wellmann, verbis Galeni citatis,[2] has glossas ex opere Pamphili botanico saeculi I p.C.n. exeuntis demptas fuisse accepit,[3] minime autem Pamphili Alexandrini; recentiores multi Pamphilum singulum, Alexandrinum qui etiam de plantarum nominibus scripserit, recognoscunt.[4]
Glossae in Dioscoridis libros haec praebentur: Aegyptiorum 149, Aethiopum 1, Afrorum 73, Andreae medici 2, Armenorum 1, Bessorum 1, Boeotum 1, Cappadocum 1, Dacorum 39,[5] Dardanorum 2, Democriti 3, Gallorum 28,[6] Graecorum plurimae, Hispanorum 6, Istrianorum 11, Lucanorum 2, Marsorum 1, Osthanis 12, prophetarum 108, Pythagorae 8, Romanorum circa 400, Siculorum 2, Syrorum 10, Tuscorum 16,[7] Zoroastris 7.[8]
Glossae in pseudo-Apuleium haec praebentur: Aegyptiorum 49, Afrorum 1, Bessorum 2, Campanorum 1, Cappadocum 1, Cilicum 2, Dacorum 25,[5] Dardanorum fortasse 3, Democriti 4, Euboeorum 1, Phrygum 1, Gallorum 14,[6] Graecorum 113, [Hi]Spanorum 3, Italorum 75, Latinorum 31, Libyum 2, Lucanorum1, Ostanis 8, prophetarum 39, Punicorum 15, Pythagorae 5, Romanorum 28, Siculorum 3, Syrorum 4, Tuscorum 6,[7] Zoroastri 5.[9]
"Prophetae" ita hic, ab aliis verbo peiorativo "magi" appellati, sunt quattuor, scilicet Zoroaster, Pythagoras, Democritus, Osthanes.
- ↑ "Synonyma plantarum barbara": sic Curtius Sprengel in Pedanii Dioscuridis Anazarbei De materia medica libri quinque (Lipsiae, 1829-1830) (vol. 1 p. xvi apud Google Books)
- ↑ Galenus, De simplicium medicamentorum temperamentis ac facultatibus 11.792-793 Kühn
- ↑ Max Wellmann, "Die Pflanzennamen des Dioskurides" in Hermes vol. 33 (1898) pp. 360–422 ad pp. 369-370
- ↑ Ernestus Howald et Henricus E. Sigerist, Antonii Musae De herba vettonica liber; Pseudoapulei Herbarius; Anonymi de taxone liber; Sexti Placiti liber medicinae ex animalibus etc. (Lipsiae: Teubner, 1927) p. xx, multis sequentibus
- ↑ 5.0 5.1 Vide Index nominum plantarum Dacicorum
- ↑ 6.0 6.1 Vide Index nominum plantarum Gallicorum
- ↑ 7.0 7.1 Vide Index nominum plantarum Tuscorum
- ↑ Max Wellmann, ed., Pedanii Dioscuridis Anazarbei De materia medica (3 voll. Berolini: Weidmann, 1906-1914) vol. 3 pp. 327-358
- ↑ Ernestus Howald, Henricus E. Sigerist, edd., Antonii Musae De herba vettonica liber; Pseudoapulei herbarius; Anonymi de taxone liber; Sexti Placiti liber medicinae ex animalibus etc. (Lipsiae: Teubner, 1927) pp. 299-300