Terra reservata Indiana est regio terrestris a tribu Indiano in dicione Ministerii Rerum Indianarum legitime administrata, potius quam a rectionibus civitatum Civitatum Foederatarum in quibus sitae sunt. Quaeque ex 326[1] terris reservatis in Civitatibus Foederatis cum sua natione propria coniunguntur. Non omnes ex 567 agnitis civitatis tribubus[2][3] terram reservatam habent: nonnullae tribus plus quam unam habent, nonnullae terras reservatas partiunt inter se, nonnullae nullam habent. Praeterea, assignationum praeteritarum causa, cum nonnullae terrae Americanis non indigenis venderentur, nonnullae terrae reservatae reapse fragmenta sunt, ubi quique tractus tribalis, individualis, et privatus est merum enclave separatum. Haec congeries immobilium privatorum et publicorum difficultates administrativas, civiles, legitimas magni momenti efficit.[4]
Tota area geographica omnium terrarum reservatarum est 56 200 000 agrorum, propemodum magnitudinis Idahi. Plurimae terrae reservatae civitatibus Civitatum Foederatarum minores sunt, sed duodecim civitate Insula Rhodensi maiores sunt. Maxima, Terra Reservata Nationis Navajo, magnitudine Virginia Occidentali similis est. Terrae reservatae per civitatem inique distributae sunt; plurimae ad occidentem Fluminis Mississippiensis patent, terrasque occupantes quae primum per foedera vel 'concessae' ex dominio publico reservatas sunt.[5]