Tromocratia[1] (ex verbo Graeco τρομοκρατία) seu terrorismus[2] est via finium politicorum adipiscendorum praecipue per facta violenta in civiles aut regimen civile commissa quibus metus sicut telum proditur. Tromocratia saepissime per pyrobola et minas in homines civiles iactatas effecta est. Qui tromocratia utitur tromocrates (-ae, comm.) seu terrorista seu territor[3] vocatur.