Via urbis (interdum vicus) est via per urbem vel alium locum habitatum[1] ducens. In viam frontes aedificiorum spectant; ab altera parte eorum aulae sitae sunt. Vecturae publicae itinera per vias eunt. Hodie saepissime pars media viae autocinetis destinata est et marginibus ambobus crepidines usui peditum constructa sunt; trans vias transitus peditum[2] cum semiphoris ducunt. Aedificia secundum vias numerantur, qui numeri ad inscriptionem cursualem indicandam necessarii sunt.