De Kitt-Peak-Nationalobservatoire (Kitt Peak National Observatory) ass ee groussen astronomeschen Observatoire um 2.095 m héije Bierg vum Kitt Peak an der Sonora-Wüst, 65,4 km (Loftlinn) südwestlech vu Tucson, Arizona.
De Kitt Peak gouf am Joer 1958 als Beräich fir den US-amerikaneschen Nationalobservatoire ausgewielt. Haut huet den Observatoire ronn 20 optesch Teleskopen, vun deenen de Mayall Telescope an de WIYN Telescope mat Haaptspigel vu 4 m resp. 3,5 m Duerchmiesser déi gréisst sinn. De Spacewatch-Projet bedreift zwéi Spigelteleskope vun 1,8 m resp. 0,9 m Duerchmiesser fir d'Observatioun vun Asteroiden a Koméiten, besonnesch awer fir d'Opfanne vun äerdnoen Objeten. Fir d'Observatioun vun der Sonn stinn um Kitt Peak de McMath-Pierce Solar Telescope, de gréisste Sonnenteleskop vun der Welt, souwéi de Kitt Peak Vacuum Telescope zur Dispositioun. Weider stinn um Kitt Peak och nach zwéi Radioteleskope vun 12 m a 25 m Duerchmiesser. Dat lescht gëtt a Kombinatioun mat anere Radioteleskope am Very Long Baseline Array als radioastronomeschen Interferometer gebraucht.
![]() |
![]() |
![]() |
![]() |
![]() |
![]() |
![]() |
![]() |