Portugal

República Portuguesa
Detailer Detailer
National Devise: keng
Offiziell Sprooch:	Portugisesch, Mirandeesesch
Haaptstad:	Lissabon
• Awunner:	509751
• Koordinaten:	38º42'N, 9º11'W
Staatsform:	Republik
• President:	Marcelo Rebelo de Sousa
• Premierminister:	Luís Montenegro
Fläch:	92 090 [1] km²
Bevëlkerung:	10 599 095 [2]
• Bevëlkerungsdicht:	115/km²
Nationalfeierdag:	10. Juni, Dia de Portugal
Nationalhymn:	A Portuguesa Lauschteren
Wärung:	Euro (EUR)
Zäitzon:	UTC 0 (+1 am Summer)
Internet TLD:	.pt
Internationalen Telefonsprefix:	+351

D'Portugisesch Republik (República Portuguesa) oder och einfach nëmme Portugal, ass e Staat am Südweste vun der ibeerescher Hallefinsel. E gëtt am Westen an am Süde vum Atlanteschen Ozean, am Osten an am Norde vu Spuenien begrenzt. Donieft gehéieren zum portugisesche Staatsgebitt d'Inselgrupp vun den Azoren souwéi Madeira. Westlech vun der Haaptstad Lissabon läit Cabo da Roca, dee westlechste Punkt vum europäesche Festland.

Den Numm Portugal entstaamt dem Numm vun der Siidlung Cale am Delta vum Floss Douro. Cale kéint e griichescht Wuert sinn (Kalles = "schéin") a sech op d'Schéinheet vun der Natur am Norde vum Portugal vun haut bezéien, deen d'Griichen deemools koloniséiert haten. Aner Historiker mengen, datt Cale aus dem Phönizesche kéim, well d'Phenizier Portugal an der Zäit virun de Réimer besidelt haten. Wéi Portugal zum Réimeschen Imperium gehéiert huet, gouf Cale e wichtegen Hafen, op Latäin Portus Cale. Am Mëttelalter gouf Portus Cale zu Portucale, duerno Portugale, woubäi dëst Wuert am 7. an am 8. Joerhonnert nëmmen déi nërdlech Deeler vum Land waren, also d'Regioun tëscht de Flëss Douro a Rio Minho. Anerersäits verkierzt sech den Numm Portus Cale zu Porto, der zweetwichtegster Stad, déi sech dowéinst voller Stolz als déi Stad betruecht, déi dem Land den Numm ginn huet.

1. ↑ Fläch ouni d'Azoren a Madeira: 88 967 km². Quell: Statistical Yearbook of Portugal (2005) vum Instituto nacional de estatística.
2. ↑ 2006 Instituto nacional de estatística (August 2007)