Baghdad | |||
---|---|---|---|
| |||
![]() | |||
Pais | Irac | ||
Rejion | |||
Area | 204.2 km² | ||
Popla | 8 765 000 ab. (2016) | ||
Densia | abitores/km² | ||
![]() |
Baghdad es la capital de Irac, e es locada a la rio Tigris. Lo ia ave 6,554,126 abitores en la anio 1987. Baghdad es la site xef de fabrica de la pais, con refinerias de olio, prosederias de comedas, bronzerias, e fabricas de stofas. Un strutur istorial es la ruinas de Bab al Wastani, la porton final de la portones famosa de Baghdad. A alga cilometres a norde de Baghdad on trova la Cazimia, notable per sua mascita merveliosa cual conteni la tombas de gidores relijiosa.
La mascita e tomba de Abu Hanifa la juror es locada en Adamia prosima. Aora un parte resta de la mascita e la scola de Mirjania (sentenio 14), la scola de Mustansiriya (sen. 13; lo ia es usada como imposteria). Iudis ia peregrina a la tomba de Joxua. A la sude-este, asta la rio on trova la ruinas de Ctesiphon, capital de Parthia de 250 aec – 22 ec e de la impero sasanian de 226 – 641 ec.
Baghdad ia es construida par la Califa Abasan al Mansur en 762. En la 50 anios seguente, la site ia ariva a un culmina de influe e gloria su la califa Harun ar-Raxid, de ci sua rena ia es selebrada en la naras conosable de Notes arabi. En esta periodo la site ia sperde a la costa este de Tigris, cual ia deveni alora la cor de Baghdad.
Bagdad ia es la site la plu grande en la mundo per multe de la eda Abasin en la eda oro de islam, e ia culmina a un cuantia de popla de plu ca un milion. La site ia es cuasi destruida par la Impero Mongol en 1258, cual resulta en un decrese cual ia rest tra multe sentenios con pestas frecuente e multe imperos seguente.
Mongoles ia ocupa la area asta cuando Baghdad ia es controlada par la farsis en 1508. Lo ia es caturada par la osmanianes, ci ia rena Baghdad de 1534 tra tre sentenios. En 1917 fortes brites ia prende Baghdad de la osmanianes. En 1917 Baghdad ia es proclamada como la capital de la rena Irac, nova creada.
Con la reconose de Irac como un stato autonom (a ante nomida la Autoria Brites de Mesopotamia) en 1938, Bagdad ia regania gradal alga de sua importa pasada como un sentro sinifiante de cultur arabi, con un cuantia de popla de 6 a 7 milion.
Contempora, la site ia frecuente sufri dana sever de infrastrutur, la plu resente causada par la invade de Irac en 2003 conduida par un alia gidada par la SUA, e la Gera Iraci cual dura asta desembre 2011. En anios resente, la site ia sufri multe de atacas par rebelas. La gera ia resulta en la perde sustantial de erita cultural e fabricadas istorial ance. De 2018, Bagdad ia es listada como un de la loca la min bonveninte en la mundo per abita, ordinada par Mercer (un compania de consulta sur emplea) como la site major la plu mal per cualia de vive en la mundo.