Republica de Colombia República de Colombia | |||
![]() |
![]() | ||
![]() | |||
Informa jeneral | |||
Capital: | Bogotá | ||
Lingua ofisial: | Espaniol | ||
Dirije | |||
Governa: | Republica presidental | ||
- Xef de stato: | Presidente Gustavo Francisco Petro Urrego | ||
- Xef de governa: | Vispresidente Francia Elena Márquez Mina | ||
Otras | |||
Area: | 1 141 748 km² | ||
Popla: | 49 353 448 (agosto 2017) | ||
Densia: | 40.74/km² | ||
PIB: | US$ 682.977 milion | ||
Mone: | Peso | ||
Zona de ora: | COT (UTC−5) | ||
Numero de telefon: | +57 | ||
Interede: | .co | ||
![]() |
Colombia (en espaniol: Colombia [koˈlombja] escuta), nomida ofisial la Republica de Colombia (en espaniol: República de Colombia escuta), es un pais cual es per la plu en la norde-ueste de America Sude, con teritorios en American Sentral. Colombia borda Panama a la norde-ueste, Venezuela e Brasil a la este, e Ecuador e Peru a la sude. Lo borda par mar Costa Rica, Nicaragua, Onduras, Jamaica, Aiti e la Republica Dominican. Lo es un republica constitutal unida cual ave 32 departes. La area es sirca 1 138 910 cilometres cuadrida. La cuantia de abitores, en la anio 2007, ia es sirca 44 379 598 persones. La site capital es Bogotá. La lingua major es espaniol. La teritorio cual es oji Colombia ia es prima abitada par poplas nativa, la plu avansada de ci ia es la muisca, la cimbaia e la tairona.
La espanioles ia atera prima en Colombia en 1499. En la dui prima de la sentenio 16 los ia comensa un periodo de concista e coloni, cual ia crea ultima la Rena Nova de Granada, con Santafé de Bogotá como la site capital. Lo autonomi de Espania en 1819, ma en 1830 la federa de "Gran Colombia" ia disolve. Cual oji es Colombia e Panama ia emerji como la Republica de Granada Nova. La nasion nova ia esperimenta con federalisme como la Federa Granadin en 1858, e a pos como la Statos Unida de Colombia en 1863, ante la nasion ia deveni ultima la Republica de Colombia en 1886. Panama ia separa en 1903. De pos la desenio de 1960, la pais ia sufri un desacorda militar nonsimetrial de intensia basa, cual ia grandi en la desenio de 1990, ma ia diminui de pos 2005. Colombia es un de la paises la plu diversa etnical e lingual en la mundo, e donce lo ave un erita cultural rica. La urbes es per la plu parte en la terenos alta de la montes Andes.
Teritorio colombian ance inclui forestas de la Amazonas, savana tropical, e costas caribe e pasifica. Lo es ecolojial un de la 17 paises megadiversa, e la plu densa biodiversa de estas per cilometre cuadrida. Colombia es un potia media e un potia rejional con la economia la cuatro de la plu grande en America Latina. Lo es un parte de la CIVETS grupo de ses comersias emerjinte xef e es un membro de la Nasiones Unida, la Organiza Mundial de Comersia, la Organiza de Statos American e la Alia Pasifica, e de otra organizas internasional. Colombia ave un economia diversida con stabilia macroeconomic e vistas favorable de crese a la longa.
Paises de America Sude | model | ||
Arjentina | Brasil | Txile | Paraguai | Uruguai | Bolivia | Peru | Ecuador | Colombia | Venezuela | Guiana | Suriname | Guian Franses |